सल्यान: सल्यान जिल्ला दार्मा गाँउपालिकाको मौलोहाल्ने फारुलाचौर सडक खण्ड अन्तर्गत दार्मा गाँउपालिकाको वडा न ३ र ४ को सिमाना पर्ने मासुगार खोलामा नेकपा विप्लव दार्मा गाँउ कमिटी द्वारा अस्थायी काठे पुल निर्माण गरिएको छ!
पैदल यात्री र मोटरसाईकल यात्रीहरुका लागि यस अघि बनेको सानो पुल समेत जीर्ण र जोखिम भएका कारण तत्काल वर्षातको समयमा ठुलो मोटरेवल पुल बन्न असम्भव भयपछि त्यहाँका केही स्थानीय बासिन्दा विप्लवका केही नेता तथा कार्यकर्ताहरुको सक्रिय सहभागितामा १२ दिन लगाई अस्थायी काठे पुल निर्माण भएको हो!
निर्माणका क्रममा स्थानीय बन समितिहरुले काठहरु उपलब्ध गराइ केही निर्माण व्यवसायीहरुले समेत ग्याविङ्तार जाली तथा ढुवानीको लागि ट्याक्टर जे सि बि मेसिनहरु उपलब्ध गराएर काठे पुल निर्माणमा सहजिकरण गराएका थिए !
अस्थायी काठे पुल निर्माण पश्चात् केही समय पैदल यात्राी मोटरसाइकल र साना गाडीहरु आवतजावतमा सहज पुगेको छ !
विगत देखी नै त्यहाँका जनताले पटक पटक पक्की पुलको आवश्यकता परेको भन्दै सरोकार वाला सबै संग गुनासो राख्दा समेत गुनासो नसुनिदिएको एक स्थानीयले जानकारी दिनु भयो !
