१४ साउन, काठमाडौं । नेपाल राष्ट्र बैंकको प्रवक्ताको जिम्मेवारी कार्यकारी निर्देशक रामु पौडेलले पाएका छन् । १४ साउनदेखि लागु हुने गरी बैंक सुपरीवेक्षण विभाग कार्यकारी निर्देशक पौडेलले प्रवक्ताको जिम्मेवारी पाएका हुन् ।
यसअघि प्रवक्ताको जिम्मेवारीमा रहेका डा. गुणाकर भट्टको पनि जिम्मेवारी हेरफेर भएको छ । भुक्तानी प्रणाली विभाग कार्यकारी निर्देशक रहेका भट्ट अब आर्थिक अनुसन्धान विभागमा सरुवा भएका छन् ।
आर्थिक अनुसन्धान विभागका कार्यकारी निर्देशक डा. प्रकाशकुमार श्रेष्ठ राष्ट्रिय योजना आयोगको सदस्य नियुक्त भएसँगै उनलाई काजमा पठाउनुपर्ने भएपछि आर्थिक अनुसन्धान विभागको जिम्मेवारी हेरफेर भएको हो ।
श्रेष्ठको दरबन्दी भुक्तानी प्रणाली विभागमा कायम भएको छ ।
