रुकुम(पश्चिम):रुकुम (पश्चिम)को सानीभेरी गाउँपालिका र चौरजहारी नगरपालिकाको सिमाना सानीभेरी गाउँपालिकाको १० तिमिलेमा स्कार्पियो गाडि दुर्घटना हुँदा एक जनाको घटनास्थलमै मृत्यु भएको छ ।
आज (सोमबार) दिउँसो अन्दाजी २ बजेको समयमा प्रदेश न २- ०२-००१ च ०१७७ नम्बरको स्कार्पियो गाडी दुघर्टना हुँदा रुकुम पश्चिमको सानीभेरी गाउँपालिका वडा नम्बर १० जन्मघर भई हाल दाङको तुल्सीपुरमा बस्दै आउनुभएका ५० वर्षीय नरबहादुर ओलीको घटनास्थलमै मृत्यु भएको हो घटना स्थलमा पुगेका प्रहरी साहेक निरिक्षक भुव बहादुर बोहराले पूर्वाधार न्युज लाई जानकारी दिनुभयो!
प्रहरीका अनुसार दुर्घटनामा परेर मृतककी श्रीमती, माइली आमा र तुल्सिपरका ४० बर्षिय गाडि चालक लिलामणी भण्डारी घाइते हुनुभएको छ।
गाडीमा चालक सहित २ पुरुष र २ महिला गरी चार जना मात्र रहेको बताइएको छ ।
घाइतेहरूको उपचारका लागि अहिले जिल्ला अस्पताल सल्लेमा लगिएको र अवस्था जाँचबुझ गरी थप उपचारको आवश्यकता अनुसार बाहिर अलि सुविधासम्पन्न अस्पताल लगिने भएको छ
कुल देवता पूजाको लागि दाङबाट रुकुम पश्चिम आउनुभएका उहाँहरू कुल पुजेर दाङ फर्कने क्रममा तिमीलेमा गाडि दुर्घटना भएको हो ।
त्यहा घटनास्थलमा पुगेका प्रहरीका अनुसार तीव्र गतिमा रहेको गाडी सडकबाट करिब २ किलोमिटर तल खसेको थियो । घटनास्थलमा प्रहरीले जानकारी पाए लगतै प्रहरी साहेक निरीक्षकको टोली पुगी उद्दार गरिएको र थप अनुसन्धान भैरहेको बताइएको छ।
